AQShning F-35 qiruvchi samolyotlari Yaponiyaning Ivakuni shahriga joylashtiriladi

Yaponiyaning Yamaguti prefekturasidagi Ivakuni shahri hokimiyati shahardagi Amerika harbiy bazasida beshinchi avlod F-35 ko‘rinmas qiruvchi samolyotlarini joylashtirishni ma'qulladi, deb xabar qilmoqda Kiodo agentligi.

Xabarlarga ko‘ra, Ivakuni hokimi Yosixiko Fukuda shahar kengashining 20 dekabrdagi majlisida ruxsat bergan. Bu masalani ijobiy hal qilish shu oy boshlarida Amerikaning F/A18 hujumchi samolyoti halokatga uchragani sababli ortga surilayotgan edi. 

Kiodo agentligining xabar qilishicha, AQShning rejasiga binoan, Ivakunidagi harbiy bazada 2017 yil yanvaridan 16 ta F-35 qiruvchilari joylashtiriladi. Ular F/A-18 va AV-8 Harrier samolyotlarining o‘rnini egallaydi.