AQShda 40 yil avval o‘rmonda tashlab ketilgan noyob avtomobil topildi

AQShning Massachusets shtatida 40 yil avval tashlab ketilgan, 500 ming dollarlik Aston Martin DB4 avtomobili topildi, deb xabar bermoqda Driver.

Mashina egasi uni o‘tgan asrning 70-yillarida uylardan birining yoniga qo‘ygan va u shu joyda ayni vaqtgacha turgan. 

Ushbu avtomobil Buyuk Britaniyada 1958 yildan 1963 yilgacha ishlab chiqarilgan va u bir nechta kinofilmlarda, jumladan Jyeyms Bond haqidagi filmlarda suratga olingan. E'tiborlisi, Aston Martin DB4 30 soniyadan kamroq vaqt ichida 224,2 km/soat tezlikkacha tezlasha oladigan birinchi seriyali avtomobil hisoblanadi.

Avtomobil auksionga 500 ming dollarga qo‘yildi. Mashinani ta'mirlash ustida jiddiy ishlashga to‘g‘ri keladi, chunki uning shuncha yil o‘rmonda, ochiq joyda qolishi unga putur yetkazgan va uning "sharti ketib, parti qolgan".