AQShdagi otishmada 4 kishi halok bo‘ldi

AQShning Shimoliy Karolina shtatidagi Uilson shahridagi otishmada 4 kishi halok bo‘ldi. Bu haqda CBS News telekanali xabar bermoqda. 

Ta'kidlanishicha, otishma 24 dekabrda shaharning sharqiy qismida yuz bergan. Ayni vaqtda huquq-tartibot muassasalari qurbonlar shaxsini aniqlashmoqda va ularning oilalarini voqeadan xabardor qilishmoqda. 

Jinoyat tafsilotlari haqida hech narsa ma'lum qilinmagan. Telekanal ma'lumotlariga ko‘ra, otishma yuz bergan hudud aholisi uni ancha osoyishta hudud deb biladi.