AQShda yengil samolyot qulashi oqibatida 4 kishi halok bo‘ldi

AQShning Illinoys shtatida bir motorli samolyotning halokatga uchrashi oqibatida 4 kishi halok bo‘lgan. Bu haqda Associated Press (AP) axborot agentligi xabar bermoqda. 

Uning ma'lumotlariga ko‘ra, voqea Jonson okrugidagi o‘rmonli hududda yuz bergan. Samolyot bortida ikki erkak va ikki ayol bo‘lgan, ularning barchasi halok bo‘lgan.

Halokat sabablari aniqlashtirilmoqda. Tergovga AQSh Federal aviatsiya boshqarmasi qo‘shilgan.