Suriyaning Jabla shahridagi teraktda 15 kishi halok bo‘ldi

Suriyaning Lataqiya violyatida joylashgan Jabla shahrida sodir etilgan portlash oqibatida 15 kishi halok bo‘ldi, 45 kishi yaralandi. Bu haqda Al Mayadeen nashri xabar bermoqda.

Ma'lum qilinishicha, portlash minalashtirilgan avtomobil yordamida xudkush tomondan amalga oshirilgan. Terrorchi mashinani munitsipal stadion binosiga yo‘naltirgan va avtomobil aynan uning yonida portlagan. 

Ta'kidlanishicha, shahar xizmatlari hududdagi elektr ta'minotini tiklash uchun tezda ta'mirlash ishlariga kirishib ketishgan.

Hozircha hech qaysi guruh terakt uchun javobgarlikni o‘z zimmasiga olmagan.