Putin Obama bilan noyabrdayoq xayrlashib bo‘lgani ma'lum qilindi

Rossiya prezidenti Vladimir Putin va AQShning ketayotgan prezidenti Barak Obama noyabrda Perudagi oxirgi uchrashuvlarida bir-birlariga minnatdorchilik bildirishgan va hozircha ular o‘rtasida yangi aloqalar rejalashtirilmagan. Bu haqda Putin matbuot kotibi Dmitriy Peskov ma'lum qildi. 

"Ular bir-birlariga birgalikdagi ish uchun minnatdorchilik bildirishgan, bu ularning so‘nggi shaxsiy uchrashuvlari bo‘ldi (2016 yil noyabrda Perudagi OTII sammitida) va bu uchrashuvda ular bir-birlari bilan xayrlashganlar. Hozircha boshqa o‘zaro aloqalar rejalashtirilmagan", deb ma'lum qildi Peskov.

Obama prezidentlik kursisini 20 yanvarda Donald Trampga topshiradi.