Shavkat Mirziyoyev Italiya Prezidentiga hamdardlik maktubini yo‘lladi

O‘zbekiston Prezidenti Shavkat Mirziyoyev Italiya Prezidenti Serjo Mattarellaga Gran-Sasso-d'Italiya tog‘li hududida ro‘y bergan tog‘ ko‘chkisi natijasida insonlarning halok bo‘lganligi munosabati bilan chuqur ta'ziya izhor etilgan maktub yo‘lladi. Bu haqida O‘zbekiston TIV matbuot xizmati xabar berdi.

Davlatimiz rahbari qurbon bo‘lganlarning oila a'zolari va yaqinlariga, shuningdek jarohatlanganlarga samimiy hamdardlik so‘zlarini yetkazishni so‘radi. 

Chorshanba kuni kuchli yer osti silkinishlaridan keyin Markaziy Italiyada sodir bo‘lgan qor ko‘chkisi 34 kishi joylashgan mehmonxonani bosib qoldi. OAV ma'lumotlariga ko‘ra, qutqaruvchilar 6 nafar jabrlanuvchini tirik holda topishgan.