OAV: Tramp musulmon muhojirlarga tegishli farmonni imzolashi mumkin

AQSh prezidenti Donald Tramp 25 yanvar kuni immigratsiya, xususan, qochqinlar va musulmon mamlakatlaridan kelgan muhojirlarga tegishli farmonlarni imzolashi mumkin. Bu haqda Reyter agentligi kongressmenlarning bir necha yordamchisi va vaziyatdan xabardor immigratsiya masalalari bo‘yicha ekspertlarga tayangan holda xabar qilmoqda. 

Agentlik ma'lumotiga ko‘ra, Tramp bu farmonlarni ichki xavfsizlik vazirligida imzolashi ehtimoli katta. 

Yordamchilar va ekspertlarning ma'lumotlariga binoan, Tramp farmonlari Iroq, Eron, Liviya, Somali, Sudan, Suriya va Yamandagi Amerika vizalariga ega bo‘lgan ayrim qochqin va boshqa kishilarning AQShga kirishini cheklashni nazarda tutadi. 

Aytish joizki, AQSh prezidenti hokimiyati (vakolatlari) cheklanmagan emas. Masalan, uning ko‘plab farmonlarining ijrosini Kongress sekinlashtirishi (mablag‘ ajratmaslik yo‘li bilan) yoki Konstitutsiyaviy sud ijrosini umuman to‘xtatib qo‘yishi (Konstitutsiyaga zid deb topsa) ham mumkin. 

Bundan tashqari, Kongressning ikki palatasini Respublikachilar partiyasi nazorat qilsa-da, ular prezidentga bevosita bo‘ysunmaydi va uning rejalarini amalga oshirishga majbur emas.