Asad: Suriya va Venesuela o‘z suverenitetiga sodiqligi uchun bosimga uchramoqda

Suriya va Venesuela "milliy suverenitetiga sodiqligi va mustaqil tarzda qarorlar qabul qilgani uchun" tashqi aralashuv obektlariga aylandilar. Bu haqda Suriya prezidenti Bashar Asad Venesuela prezidenti Nikolas Maduro bilan telefon orqali muloqotda aytib o‘tdi, deb xabar bermoqda SANA axborot agentligi. 

"Suriya va Venesuela G‘arb va uning sheriklari diktatiga bo‘ysunishdan bosh tortgani uchun haq to‘ladilar, ular bu uchun ularni barqarorsizlantirish va anarxiyaning tarqatilishi yo‘li bilan zaiflashtirishga qaratilgan tashqi bosimga uchramoqdalar", deb aytdi Asad.

Maduro Asad va Suriya xalqini "Suriyaga dushman davlatlar tomonidan qo‘llab-quvvatlanuvchi terrorchilik tashkilotlariga qarshi kurashdagi muhim g‘alabalari" bilan tabrikladi. "Bu muvaffaqiyatlar o‘z rahbariyati atrofida jipslashgan suriyaliklarning matonati evaziga mumkin bo‘ldi", deb aytdi Maduro.  

Maduro Venesuela Suriya tomonda qat'iylik bilan turishini aytdi va bu arab mamlakatida tinchlik va barqarorlikning tezda qaytishiga umid bildirdi.