Donald Tramp yangi immigratsiya farmonini imzolashi mumkin

AQSh prezidenti Donald Trampning bayonot berishicha, u «mutlaq yangi» immigratsiya farmonini imzolash imkoniyatini ko‘rib chiqmoqda. Bunga Amerika sudi tomonidan uning immigratsiya siyosatini kuchaytirishga doir farmoni ijrosini vaqtincha to‘xtatgani sababdir, deb xabar qilmoqda Associated Press agentligi. 

Trampning so‘zlariga ko‘ra, yangi farmon sud orqali to‘xtatilganidan kam farq qiladi. 

Avvalroq, AQSh apellyatsiya sudi Tramp immigratsiya farmoniga qo‘yilgan vaqtinchalik taqiqni ma'qullagan edi. Prezident, o‘z navbatida, sud qarori yuzasidan tortishuvni davom ettirishini aytgandi. 

Bundan tashqari, Oq uy ma'muriyati prezident Donald Trampning farmoniga tuzatishlar kiritayotgani haqida xabarlar paydo bo‘ldi.