Erdo‘g‘an Rossiyaga tashrifi vaqtida sanksiyalar masalasini uzil-kesil hal qilmoqchi

Turkiya prezidenti Rajab Toyyib Erdo‘g‘an mart oyida Rossiyaga uyushtiradigan tashrifida o‘zaro munosabatlar normallashishining borishi, amalda qolayotgan savdo sanksiyalarining bekor qilinishi, Suriya va aksilterrorchilik masalalarini muhokama qiladi. Bu haqda Erdo‘g‘anning rasmiy vakili Ibrohim Kalin ma'lum qildi.   

"Mart oyida oliy darajadagi hamkorlik yig‘ilishi o‘tkazilishi munosabati bilan Rossiyaga tashrif rejalashtirilmoqda. Hozir samolyot bilan bog‘liq voqeadan keyin kiritilgan sanksiyalarni bekor qilish bo‘yicha ish olib borilmoqda. Tashrif vaqtida bu ishga nuqta qo‘yiladi, deb umid qilamiz.  Shuningdek, kun tartibida Suriya, aksilterrorchilik, Iroq bor", deb aytdi Kalin.