Iroq rasmiy Damashq roziligi bilan Suriyada aviazarba berishni boshlagan

Iroq harbiy havo kuchlari samolyotlari Suriya hududida IShIDga qarshi boshlagan harbiy amaliyotlar rasmiy Damashq bilan kelishilgan holda boshlangan. Bu haqda Suriya TIVga yaqin manba xabar qildi.

"Iroq samolyotlari Suriya Arab respublikasi hududida terrorchilar pozitsiyalariga berayotgan zarbalar Damashq roziligi bilan amalga oshirilmoqda", deya xabar bergan "Al-Vatan" nashri.

Bundan oldinroq Iroq Suriya hududagi IShID jangarilarini bombalash uchun harbiy samolyotlarini jo‘natgani xabar qilingandi.