Liviyada jangarilar neft portiga hujum qildi

Liviyaning Ras-Lanuf neft porti shanba kuni radikal jangarilar tomonidan hujumga uchradi. Port marshal Halifa Haftor boshchiligidagi mamlakat armiyasi tomonidan nazorat qilinadi, deb xabar berdi Frans Press agentligi armiya vakili Ahmad al-Mismoriyga asosan.

2016 yilda Liviyaning asosiy neft terminallari Haftor kuchlari tomonidan radikallardan ozod etildi. Haftor radikal kuchlar otryadlari bilan hamkorlik qiluvchi Tripolidagi mamlakat hukumatini tan olmaydi.

Al-Mismoriyning xabar berishicha, shanba kungi Ras-Lanufga hujum “Bengazi mudofaasi brigadasi” jangarilari tomonidan amalga oshirilgan, ular mahalliy aerodromni egallab olishga muvaffaq bo‘lgan.