OAV: Xitoy dengiz tubiga tushish bo‘yicha jahon rekordini o‘rnatdi

Xitoy o‘zi ishlab chiqqan "Xayi" ("Dengiz qanotlari") chuqur suv osti qurilmasida dengiz tubiga tushish bo‘yicha jahon rekordini o‘rnatdi. Qurilma Marianna chuqurligida 6329 metr chuqurlikka tusha oldi. Bu haqda Sinxua agentligi xabar qilmoqda. Shunday qilib, shu kabi qurilmalarning dengiz tubiga tushishi bo‘yicha yangi natija qayd etilgan. 

Sinovdan o‘tkaziluvchi planer belgilangan hududga "Tanso-1" yuk kemasida keltirilgan. 4 kun mobaynida jami 87 soatlik 12ta dengiz tubiga tushish amalga oshirilgan. Xabarlarga ko‘ra, bu vaqt davomida qurilma 130 kmni bosib o‘tgan. Xitoy apparati Amerikaning Seaglider suv osti planeriga tegishli bo‘lgan natijani o‘zgartirishga muvaffaq bo‘lgan. U 6 ming metr dengiz tubiga tushgan edi.

Ushbu robotlashtirilgan qurilma sensorlar, uzatgichlar, turli ilmiy asbob-uskunalar va hatto jangovar kallak bilan jihozlangan. Ular muqobil tartibda bir necha oy ishlay oladi. 

Suv ost planerlari ilmiy-tadqiqotlar ekspeditsiyalaridan tortib, harbiy-dengiz kuchlarining vazifalarini ham ado etishi mumkin.