Yaponiya bosh vaziri Yevropaning yirik mamlakatlariga safar uyushtiradi

Yaponiya bosh vaziri Sindzo Abe shu yilning 19 martidan Yevropaning uch mamlakatiga safarini boshlaydi. U dastlab Germaniyaga, so‘ngra Fransiya va Italiyaga borishni rejalashtirgan. Abe Liberal-demokratik partiya va "Yangi Komeyto" partiyasidan iborat hukmron koalitsiyaning navbatdagi kengashida shu haqda ma'lum qilgan.

"Men ushbu davlatlar yetakchilari bilan xalqaro hamjamiyat duch kelayotgan muhim masalalarni ochiqchasiga muhokama qilishga hamda tinchlik va farovonlik uchun qalin hamkorlik qilishga umid qilaman", - degan Yaponiya hukumati rahbari. 

NHK telekanalining aniqlik kiritishicha, Abe Yevropa davlatlari yetakchilari bilan KXDRning yadro-raketa dasturi va Suriyadagi vaziyat yuzasidan fikr almashishni rejalashtirgan. 

Kyodo agentligiga ko‘ra, Yaponiya bosh vaziri GFR federal kansleri Angela Merkel, Fransiya prezidenti Fransua Olland va italiyalik hamkasbi Paolo Djyentiloniga Amerikaning yangi prezidenti Donald Tramp bilan fevral oyida o‘tkazgan uchrashuvi haqida so‘zlab berishni niyat qilgan.