Eron o‘zi ishlab chiqargan tankni namoyish qildi
Eron o‘zi ishlab chiqargan Karrar nomli tankni namoyish qildi. Eronlik harbiylarning aytishicha, bu tank ko‘rsatkichlari bo‘yicha Rossiyaning T-90 tankidan qolishmaydi. Bu haqda Fars News axborot agentligi xabar bermoqda.
Seriyali tarzda ishlab chiqarilishi boshlangan tankning taqdimotida Eron mudofaa vaziri Husayn Dehqon ishtirok etdi. Uning aytishicha, Karrar o‘t ochishni boshqarishning elektrooptik tizimi, lazerli masofa o‘lchagich va ballistik hisoblagich bilan jihozlangan. Tank ham harakatdagi, ham turg‘un nishonlarni ura oladi. Bundan tashqari, tank raketalar ota oladi va ularni masofadan turib nishonga yo‘naltira oladi.
"Eron mudofaa sanoati tankni noldan loyihalab, qurdi. U eng yaxshi tank bo‘lmasa-da, Rossiyaning T-90 tanki kabi qirg‘in keltiruvchidir", deb aytdi Dehqon.
Dehqonning ta'kidlashicha, yangi tank dunyodagi eng zamonaviy tanklar bilan qatorda turadi.
Mavzuga oid
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
11:10 / 17.09.2024
Toshkent va Xorazmda O‘zbekiston-Eron biznes-forumlari bo‘lib o‘tadi
22:54 / 16.09.2024
Eron prezidenti o‘z mamlakati yadro quroli yaratish niyati yo‘qligini aytdi
08:20 / 16.09.2024