WikiLeaks Niderlandiya bosh vaziri haqidagi hujjatlarni chop etdi

WikiLeaks sayti Niderlandiya bosh vaziri Mark Ryutte va uning parlament saylovlari bo‘yicha raqibi Gert Vilders haqida materiallarni chop etdi.

Sayt Ryutte haqida "o‘z arxivlaridan" 1699 ta hujjatni va Vilders haqida 1392 hujjatni chop etgan.

15 mart kuni Niderlandiyada parlament saylovlari bo‘lib o‘tadi.

"Moris de Xond" agentligining ekspress-so‘rovnomasi natijalariga ko‘ra, parlament saylovlarining yetakchisi Ryutte boshqaradigan "Erkinlik va demokratiya uchun xalq partiyasi" (VVD) hisoblanadi. Unga so‘ralganlarning 18 foizi ovoz berishga tayyorligini bildirgan. Bunday holatda partiya parlamentdagi 150 ta o‘rindan 27 tasiga ega bo‘ladi. Yetakchisi Vilders hisoblanuvchi "Erkinlik partiyasi"ga (PVV) so‘ralganlarning 16 foizi ovoz berishga tayyorligini aytgan, bu esa partiyaga parlamentdagi 24 ta o‘rinni olib keladi.