«Bavariya»ning 200 ming muxlisi «Real»ga qarshi o‘yinga tushishni istamoqda

«Bavariya» va «Real»ning YeChL 1/4 finali doirasida kechadigan uchrashuvi Germaniyada ajiotaj keltirib chiqardi. Marca ma'lumotiga ko‘ra, myunxenliklar jamoasining 200 mingdan ortiq muxlisi 12 aprel kuni «Alyants-Arena»da bo‘lib o‘tadigan birinchi uchrashuvga chipta olish uchun murojaat qilgan.

Endilikda «Bavariya» muxlislar va tashkilotlardan so‘rovlar qabul qilishni to‘xtatgan. Arenada 70 ming muxlis uchun joy bor, jamoaning 35 ming muxlisi mavsumiy abonementlarga ega, 3779 chipta «Real»ga, 1000dan ortig‘i UYeFAga taqdim etilgan va savdoga atigi 30 ming chipta chiqarilgan. Chipta bahosi 35 yevrodan  150 yevrogacha.