Daniya muhojirlik siyosatini kuchaytiradi

Daniya hukumati katta yoshli kishilar kuzatuvisiz mamlakatga kirib kelayotgan qochoq bolalarga gumanitar yordam ko‘rsatish va boshpana berishni bekor qilish bo‘yicha yangi qonun loyihasini ishlab chiqdi, deb yozmoqda Daniyaning Politiken gazetasi. 

Mazkur qonun loyihasiga ko‘ra, Daniya hukumati iqtisodiy inqiroz davrida qochqinlar uchun chegarani yopishni rejalashtirmoqda. 

Bundan tashqari, qonunga muvofiq mazkur davlatda barcha, jumladan qochoq bolalar uchun boshpana berish to‘g‘risidagi hech qanday arizalar ko‘rib chiqilmaydi. 

Daniya immigratsiya, integratsiya va uy-joy vazirligining xabar qilishicha, bugundan e'tiboran qonun loyihasi mamlakat parlamenti tomonidan ko‘rib chiqilmoqda. 

Ma'lumot o‘rnida aytish joizki, 2016 yilda Daniyaga kattalar nazoratisiz kirib kelgan 1180dan ortiq qochoq bolalarga boshpana berilgan edi.