Germaniya terma jamoasi Angliyani mag‘lub etdi

Futbol bo‘yicha Germaniya terma jamoasi Dordmunddagi «Signal Iduna Park» stadionida kechgan o‘rtoqlik uchrashuvida Angliya terma jamoasini kichik hisobda mag‘lub etdi.

Bellashuvdagi yagona gol 69-daqiqada terma jamoa uchun o‘zining so‘nggi uchrashuvida maydonga tushgan Lukash Podolski tomonidan kiritildi. 31 yoshdi forvard jarima maydonchasi tashqarisidan turib darvozaning “to‘qqizligini” aniq nishonga oldi. Bundestim uchun 130 uchrashuvda 49ta gol urgan Podolski 84-daqiqada o‘zgartirildi hamda maydonni gulduros qarsaklar ostida tark etdi.

Germaniya – Angliya 1:0 (0:0, 1:0)

Gol: 1:0 – 69 Podolski.
Germaniya – ter Stegen, Xummels, Ryudiger, Xektor, Vaygl (Jan, 66), Kimmix, Sane, Kroos, Brandt (Shyurrle, 59), Podolski (Rudi, 84), Verner (Myuller, 77).
Angliya – Xart, Keyxill, Smolling (Stounz, 84), Bertran (Shou, 83), Kin, Alli (Lingard, 71), Livermor (Uord-Prouz, 83), Lallana (Redmond, 66), Dayyer, Uoker, Vardi (Reshford, 70).