Moskvada avtobus yo‘l-transport hodisasidan so‘ng ikkiga bo‘linib ketdi

Rossiya poyxtati Moskva shahrida juda jiddiy yo‘l-transport hodisasi ro‘y berdi, deb xabar bermoqda «Moskva» agentligi.

Yo‘nalishli avtobus yuk avtomobili bilan to‘qnashib ketganidan so‘ng, o‘rtasidan ikkiga ajralib ketgan. 

Yo‘l-transport hodisasi Moskva halqa avtomobil yo‘lining tashqi tarafidagi Kapotni tumaniga yaqin 18-kilometrida mahalliy vaqt bilan 5.00da yuz bergan.

Dastlabki ma'lumotlarga ko‘ra, hech kim jarohat olmadi. Hodisa yuz bergan paytda yo‘nalishli avtobusda yo‘lovchilar bo‘lmagan.