Avstriya aviakompaniyasi dunyodagi eng qisqa reysdan voz kechdi

Avstriyaning People's Viennaline aviakompaniyasi dunyodagi eng qisqa reysdan voz kechdi. Bunga aviakompaniya xizmatlariga talab pastligi sabab bo‘lgan. Bu haqda Berliner Kurier tabloidi xabar bermoqda.

Sankt-Gallen-Altenrayn (Shveytsariya) — Fridrixsxafen (Germaniya) yo‘nalishi bo‘yicha oxirgi reys 14 aprelga belgilangan. "Muayyan rivojlanish kuzatilgandi, biroq biz rejalashtirilgan yo‘lovchilar miqdoriga erisha olmadik", deb aytgan People's Viennaline egasi Markus Kopf.

Ushbu reys 2016 yil 2 noyabrda boshlangan. Yo‘nalish uzunligi 21 kilometrga yaqinni, parvoz vaqti 8 daqiqani tashkil qilgan. U yerga va ortga chipta narxi 40 yevro turgan.

People's Viennaline aviakompaniyasi 2010 yilda tashkil topgan. U Sankt-Gallen-Altenrayn aeroportida joylashgan va asosan Xorvatiya, Italiya va Ispaniyaga charter reyslar amalga oshiradi. Kompaniya bosh qarorgohi Venada joylashgan. Aviakompaniya hisobida Embraer 170 va Embraer 145 rusumidagi bor-yo‘g‘i ikkita yo‘lovchi samolyoti bor.