Peterburgdagi terakt qurbonlarining yaqinlariga 2 million rubldan to‘lanadi

3 aprel kuni Sankt-Peterburg metrosidagi terakt oqibatida halok bo‘lganlarning yaqinlariga 2,025 million rubldan yordam pullari ajratiladi. Bu haqda Milliy sug‘urta ittifoqi prezidenti Igor Yurgensga asoslangan holda RIA Novosti xabar bergan.

Shuningdek, portlash oqibatida jabrlanganlarga 2 million rublgacha bo‘lgan miqdorda pul ajratiladi.

Sankt-Peterburg metrosida 3 aprel, dushanba kuni yuz bergan portlash oqibatida 10 kishi halok bo‘lgan, 20 kishi tan jarohati olgan.