O‘zbekiston va Rossiya o‘rtasida imzolangan hujjatlar ro‘yxati

O‘zbekiston Respublikasi Prezidenti Shavkat Mirziyoyevning Rossiya Federatsiyasiga davlat tashrifi yakunlari bo‘yicha qator hujjatlar imzolandi. 

Muzokaralar yakunida siyosiy, savdo-iqtisodiy, sarmoyaviy, harbiy-texnikaviy, migratsiya sohalari, shuningdek mintaqalararo hamkorlik, turizm va sog‘liqni saqlashga oid umumiy qiymati 16 milliard dollar bo‘lgan 55 hujjat imzolandi.

Jumladan, Rossiya va O‘zbekiston hukumatlari O‘zbekiston fuqarolarini Rossiyada vaqtinchalik mehnat qilishga uyushgan holda jalb etish bo‘yicha kelishuv imzolagan.

Shuningdek, birgalikda migratsiya sohasida mutasaddi organlar vakolatxonalarini ta'sis etish, sog‘liqni saqlash, tibbiy ta'lim va fan sohasida, turizm sohasida o‘zaro hamkorlik bo‘yicha kelishuvlar imzolangan.

O‘zbekiston va Rossiya o‘rtasida 50dan ortiq hujjat imzolandi

Imzolangan hujjatlar:

1. O‘zbekiston Respublikasi prezidenti Shavkat Miromonovich Mirziyoyev va Rossiya Federatsiyasi prezidenti Vladimir Vladimirovich Putin o‘rtasida qo‘shma bayonot.

2. O‘zbekiston Respublikasi va Rossiya Federatsiyasi hukumatlari o‘rtasida mintaqalararo hamkorlikni rag‘batlantirish bo‘yicha kelishuv.

3. O‘zbekiston Respublikasi hukumati va Rossiya Federatsiyasi hukumati o‘rtasida O‘zbekiston fuqarolarini Rossiyada vaqtinchalik mehnat qilishga uyushgan holda jalb etish bo‘yicha kelishuv.

4. O‘zbekiston Respublikasi hukumati va Rossiya Federatsiyasi hukumati o‘rtasida migratsiya sohasida mutasaddi organlar vakolatxonalarini ta'sis etish bo‘yicha kelishuv.

5. O‘zbekiston Respublikasi hukumati va Rossiya Federatsiyasi hukumati o‘rtasida sog‘liqni saqlash, tibbiy ta'lim va fan sohasida hamkorlik qilish bo‘yicha kelishuv.

6. O‘zbekiston Respublikasi hukumati va Rossiya Federatsiyasi hukumati o‘rtasida turizm sohasida hamkorlik qilish bo‘yicha kelishuv.

7. O‘zbekiston Respublikasi Tashqi iqtisodiy aloqalar, investitsiyalar va savdo vazirligi hamda Rossiyaning fuqarolik va harbiy ahamiyatga molik yuqori texnologiyali mahsulotlarni barpo qilish, ishlab chiqarish va eksport qilishga ixtisoslashgan «Rostex» davlat korporatsiyasi o‘rtasida anglashuv memorandumi.

8. «YeVROTseMeNT grup» va «O‘zqurilishmateriallari» Aktsionerlik jamiyati o‘rtasida qurilish sanoati hamda modernizatsiya loyihalarini amalga oshirish bo‘yicha memorandum.

9. O‘zbekiston Respublikasi metallurgiya sanoati, neftegaz kimyosi va kon sanoatida Rossiya Federatsiyasi kompaniyalari ishtirokidagi qo‘shma investitsiya loyihalari bo‘yicha kelishuv.

10. «Gazprom eksport» va «O‘ztransgaz» o‘rtasida tabiiy gaz xarid qilish bo‘yicha shartnoma.

11. «Gazprom» OAJ va «O‘zbekneftegaz» Milliy holding kompaniyasi o‘rtasida qo‘shma tadqiqotlar o‘tkazish, injiniring-innovatsion ishlarni olib borish bo‘yicha kelishuv.

12. «Gazprom» OAJ va «O‘zbekneftegaz» Milliy holding kompaniyasi o‘rtasida mutaxassislarni tayyorlash va qayta tayyorlash bo‘yicha memorandum.

13. Rossiya Taraqqiyot va tashqi iqtisodiy faoliyat banki («Vneshekonombank») va O‘zbekiston tashqi iqtisodiy faoliyat Milliy banklari o‘rtasida hamkorlik qilish haqida kelishuv.

14. Federal bojxona xizmati Rossiya FBX va O‘zbekiston Respublikasi Davlat bojxona qo‘mitasi o‘rtasida davlat chegaralari orqali tovarlar va transport vositalarining o‘tishi tartibi bo‘yicha kelishuv.

15. Rossiya Federatsiyasi Qishloq xo‘jaligi vazirligi hamda O‘zbekiston Respublikasi qishloq va suv xo‘jaligi o‘rtasida fitosanitariya talablari asosida meva va sabzavot mahsulotlari yetkazib berish bo‘yicha kelishuv («Yashil yo‘lak»).

16. Sankt-Peterburg davlat pediatriya tibbiyot universiteti (Rossiya Federatsiyasi) va Toshkent pediatriya tibbiyot instituti (O‘zbekiston Respublikasi) o‘rtasida hamkorlik bo‘yicha kelishuv.

17. I.P.Pavlov nomidagi Birinchi Sankt-Peterburg davlat tibbiyot universiteti (Rossiya Federatsiyasi) va Toshkent Tibbiyot akademiyasi (O‘zbekiston Respublikasi) o‘rtasida hamkorlik bo‘yicha kelishuv.

18. «A.V.Vishnevskiy nomidagi jarrohlik instituti» (Rossiya Federatsiyasi) va Akademik V.Vohidov nomidagi Respublika ixtisoslashtirilgan xirurgik markazi (O‘zbekiston Respublikasi) o‘rtasida hamkorlik kelishuvi.

19. «N.I.Pirogov nomidagi Milliy tibbiy-xirurgik markazi» (Rossiya Federatsiyasi) va Akademik V.Vohidov nomidagi Respublika ixtisoslashtirilgan xirurgik markazi (O‘zbekiston Respublikasi) o‘rtasida hamkorlik kelishuvi.

20. A.N Bakulev nomidagi yurak-tomir xirurgiyasi Ilmiy Markazi (Rossiya Federatsiyasi) va Akademik V.Vohidov nomidagi Respublika ixtisoslashtirilgan xirurgik markazi (O‘zbekiston Respublikasi) o‘rtasida hamkorlik kelishuvi.

21.  V.A.Almazov nomidagi Sankt-Peterburg tibbiyot markazi va «Respublika ixtisoslashtirilgan kardiologiya markazi» o‘rtasida hamkorlik kelishuvi.

22. Akademik N.N.Burdenko nomidagi neyroxirurgiya ilmiy markazi va Neyroxirurgiya Respublika ilmiy markazi o‘rtasida hamkorlik kelishuvi.

23. I.I. Janelidze nomidagi ilmiy tekshirish instituti va Shoshilinch tibbiy yordam ko‘rsatish Respublika ilmiy markazi o‘rtasida hamkorlik kelishuvi.

24. N.V.Sklifosovskiy nomidagi Moskva shahar Sog‘liqni saqlash departamentining tez tibbiy yordam ilmiy-tadqiqot instituti va Shoshilinch tibbiy yordam ko‘rsatish Respublika ilmiy markazi o‘rtasida hamkorlik kelishuvi.

25.  «Krastsvetmet» OAJ va «O‘zkimyosanoat» AJ o‘rtasida qo‘shma korxona tuzish bo‘yicha memorandum.

26. Federal g‘aznachilik va O‘zbekiston Respublikasi Moliya vazirligining texnik hamkorligi haqida Memorandum.

27. «Gazprombank» va «Oriyent Finans» o‘rtasida kelishuv.

28. «Gazprombank» AJ va «Asaka» ATB o‘rtasida Toshkent shahrida metallurgiya zavodini qurish loyihasini moliyalashtirish bo‘yicha hamkorlik haqidagi bitim.

29. I.M.Gubkin nomidagi Rossiya davlat neft va gaz universiteti hamda «O‘zbekneftegaz» MHK o‘rtasida anglashuv memorandumi.

30. Yangi va qayta ishlangan meva va sabzavotlar yetkazib berish bo‘yicha shartnomalar.

31. Rossiya Federatsiyasi Energetika vazirligi va «O‘zbekneftegaz» MHK o‘rtasida  500 ming tonna neft yetkazish bo‘yicha memorandum.

32. «O‘zneftegazmash» OAJ bazasida hamkorlikda ta'mirlov korxonasini tuzish bo‘yicha ta'sis hujjatlari.

33. «IZ-KARTEKS» zavodida tayyorlangan 21 dona ekskavator yetkazib berish bo‘yicha kelishuv.

34. Rossiya tadbirkorlar va sanoatchilar ittifoqi hamda O‘zbekiston Respublikasi Savdo-sanoat palatasi o‘rtasida shartnoma.

35. «Rostselmash» kombayn zavodi va «Chirchiq qishloq xo‘jaligi texnikasi zavodi» o‘rtasida hamkorlik kelishuvi.

36. «ZA Grupp» va «O‘zbekengilsanoat» AJ o‘rtasida hamkorlik kelishuvi.

Toshkent va Moskva 16 milliard dollarlik shartnomalarni imzolaydi

O‘zbekiston va Rossiya kelishuvlari

Shavkat Mirziyoyev va Vladimir Putin: Yakuniy bayonot