Yuridik xizmat xodimlariga advokatlik litsenziyasini olishda qulaylik yaratildi 

Yuridik xizmat xodimlariga advokatlik litsenziyasini olishda qulaylik yaratildi, deb xabar beradi O‘zbekiston Adliya vazirligi axborot xizmati.

O‘zbekiston Respublikasi Prezidentining 2017 yil 19 yanvar kungi PQ-2733-son “Yuridik xizmat faoliyatini tubdan takomillashtirish chora-tadbirlari to‘g‘risida”gi Qaroriga ko‘ra davlat organlari va tashkilotlari yuridik xizmatlarining mazkur mutaxassislik bo‘yicha uch yillik stajiga ega bo‘lgan xodimlari, litsenziya olish uchun advokat maqomiga ega bo‘lishga talabgor shaxs sifatida malaka imtihonida tegishli amaliyot o‘tmasdan ishtirok etish huquqiga egaligi belgilandi.

Mazkur qaror matni O‘zbekiston Respublikasi Qonun hujjatlari ma'lumotlari milliy bazasi lex.uz saytida joylashtirilgan.