AQSh Gruziyada Harbiy tayyorgarlik markazini quradi

Tbilisi yaqinida Gruziya qurolli kuchlari Harbiy tayyorgarlik markazi barpo etiladi. U AQSh ko‘magida quriladi. Bu haqda Gruziya mudofaa vaziri Levan Izoriya ma'lum qildi.

Gruziya parlamentining mudofaa va xavfsizlik qo‘mitasida chiqish qilgan vazirning aytishicha, "ushbu markazni tashkil etish loyihasi amerikalik hamkorlar bilan birga amalga oshirilmoqda". "Gruziya bu markazni qurishga 10 mln lari (4 mln dollar) ajratadi", -deb oydinlik kiritgan mudofaa vaziri. Uning so‘zlariga ko‘ra, markaz "Gruziya mudofaa vazirligining Vaziandagi hududida barpo etiladi".