Filippin prezidenti o‘zini Trampga o‘xshatdi

Foto: AP

Filippin prezidenti Rodrigo Duterte Amerika yetakchisi Donald Trampga o‘xshashini ma'lum qildi, sababi “har ikkalasi qo‘rs ko‘rinsa-da, chuqur fikrlashga qodir” ekan. Bu haqda Phil Star gazetasi yozmoqda.

Xabar qilinishicha, Duterte bu haqda Filippin jamoatchiligi oldida chiqish qilganida aytib o‘tgan. Uning so‘zlariga ko‘ra, agarda Tramp ahmoq bo‘lganida milliarder bo‘la olmasdi.

“Tramp – hattoki, u bunga o‘xshamasa ham, aqllidir. Xuddi men kabi, men juda yorqin shaxs emasman, biroq haddan tashqari ehtiyotkorman”, - deya aytib o‘tdi Filippin prezidenti.

Shuningdek uning fikricha, Tramp “realist bo‘lib, pragmatik mutafakkir” ham ekan.