AQSh Suriyaga qarshi sanksiyalarni kengaytirdi

AQSh moliya vazirligi Suriyaning Idlib viloyatida amalga oshirilgani taxmin qilinayotgan kimyoviy hujumdan keyin Suriyaga nisbatan sanksiyalarni kengaytirishini ma'lum qildi, deb xabar bermoqda Reuters axborot agentligi.  

"Bu sanksiyalar tinch aholi, ayollar va bolalarga kimyoviy qurol qo‘llab hujum qilgan suriyalik diktator Bashar Asad qo‘shinlariga ilmiy ko‘mak ko‘rsatgan markazga qaratilgan", deb aytildi AQSh moliya vazirligida.

Sanktsiyalar ta'siri ostiga Suriyadagi ilmiy tadqiqotlar va ishlanmalar markazining 271 nafar xodimi tushdi. Ta'kidlanishicha, gap kimyo yoki unga yaqin bo‘lgan sohalarda faoliyat yurituvchi hamda 2012 yildan beri kimyoviy qurollanish dasturlari markazida ishlagan xodimlar haqida bormoqda.