NATO: Afg‘onistondagi missiya kengaytirilishi ehtimol

NATO bosh kotibi Yyens Stoltenberg alyansning Afg‘onistondagi «Qat'iyatli qo‘llab-quvvatlash» kampaniyasini kuchaytirish ehtimoli haqida bayonot berdi, deb xabar bermoqda Welt am Sonntag.

U Afg‘onistondagi vaziyat keskinligini qayd etar ekan, ushbu masala bo‘yicha qaror iyun oyi boshiga qadar qabul qilinishi mumkinligini ta'kidlagan. 

Stoltenberg, shuningdek, alyans salohiyati Afg‘oniston va Iroqdagi missiyalardan  boshqa vazifalarga ham yetishini ta'kidlab, Iordaniya va Tunis bilan terrorizmga qarshi kurashda hamkorlikni rivojlantirish haqida ma'lum qilgan.