MAK Singapurdagi ko‘rgazmada o‘z xizmatlarini taqdim etadi

Joriy yilning 4-6 may kunlari “O‘zbekiston havo yo‘llari” Milliy aviakompaniyasi aviatashuvlar bo‘yicha o‘z xizmatlari va mamlakatimiz turistik salohiyatini turizm sohasidagi eng mashhur xalqaro ko‘rgazmalardan biri – Singapurdagi «Silk road with the focus on Uzbekistan»da taqdim etadi.

Joriy yildagi ko‘rgazmada "O‘zbekiston havo yo‘llari" MAK va "Aveson Travel" hamda "Uzbekistan Holidays" turistik agentliklari vakillari qatnashadi.

Ko‘rgazmada O‘zbekiston milliy stendi taqdim etiladi, unda reklama mahsulotlari, milliy aviatashuvchi faoliyati haqidagi axborot materiallari, aviakompaniya parvozlari jadvali bo‘ladi hamda ko‘rgazmaning o‘zidayoq O‘zbekistonga turpaketlarni sotish imkoniyati ham yaratiladi.