AQSh KXDRga qarshi sanksiyalar sabab Rossiya portlarini nazorat qilmoqchi

Amerika ma'muriyati Rossiyaning Vladivostok, Naxodka va Vaninodagi portlarini alohida nazoratiga olishi mumkin. Bunga KXDRga qarshi sanksiyalar ijrosini ta'minlash nuqtainazari bilan yondashilmoqda. AQSh Kongressi vakillar palatasi tomonidan qabul qilingan qonun loyihasida shunday me'yor ko‘zda tutilgan, deb xabar qilgan RIA Novosti. 

Hujjatga muvofiq, AQSh prezidenti qonun kuchga kirgach 180 kundan keyin besh yil mobaynida BMT XKning KXDRga nisbatan qabul qilgan rezolyutsiyalarini buzayotgan portlar va aeroportlar to‘g‘risida Kongressga yillik hisobot berib turishi shart. 

"Har bir hisobotda quyidagi portlar: …Rossiya Federatsiyasining Naxodka, Vanino va Vladivostok portlari faoliyatiga doir to‘liq ma'lumot taqdim etilishi kerak", — deyiladi qonun loyihasi matnida. 

Hujjatda, shuningdek, Xitoy, Eron, Suriyaning Tartus va Latakiya shaharlaridagi portlarning ham nomi bor. 

Loyihani 419 nafar vakil ma'qullagan, bir kishi qarshi chiqqan. Hujjatni AQSh senati tasdiqlagach, imzolash uchun prezidentga kiritiladi.