Uchquduqqa yangi hokim tayinlandi

Navoiy viloyatining Uchquduq tumaniga Hamroyev Soli Farmonovich yangi hokim etib tayinlandi. Bu haqda Kun.uz'ga Navoiy viloyati hokimiyati matbuot xizmati xabar berdi.

Bundan avval Soli Hamroyev viloyat hokimining qishloq va xo‘jaligi masalalari bo‘yicha o‘rinbosari bo‘lib ishlagan.

U ushbu lavozimda 2015 yilning may oyidan beri ishlab kelgan Rustambek Sanaqulovni almashtirdi. Sanaqulov hokim etib tayinlangunga qadar “Navoiy kon-metallurgiya kombinati” rahbari o‘rinbosari sifatida mehnat qilgan.

Ma'lumot uchun, Uchquduq tumani 1982 yilda tashkil topgan. Aholisi 35,1 ming kishini tashkil etadi.