Vengriya prezidenti Yanosh Ader ikkinchi prezidentlik muddatini bajarishga kirishdi

Vengriya prezidenti Yanosh Ader qasamyod keltirib, ikkinchi prezidentlik muddatidagi majburiyatlarini bajarishga kirishdi. Bu haqda Vengriyaning MTI axborot agentligi xabar berdi. 

Aderning inauguratsiyasi marosimi Vengriya davlat yig‘ilishida (parlament) bo‘lib o‘tdi. 13 mart kuni Vengriya parlamenti Aderni ikkinchi prezidentlik muddatiga qayta saylagandi. Prezident lavozimi uchun saylovlarda Ader va muxolifatdan Laslo Mayteni qatnashgandi. 

Aderning birinchi prezidentlik muddati 2012 yil may oyida boshlangandi. 

Vengriya parlament respublikasi hisoblanadi va davlat rahbari keng vakolatlarga ega emas. Prezident parlament tomondan yashirin ovoz berish yo‘li bilan har 5 yilga saylanadi. Prezident mamlakatni xalqaro maydonda bildiradi, qurolli kuchlar bosh qo‘mondoni hisoblanadi, parlament ma'qullovidan keyin boshqa davlatlar bilan bitimlar tuza oladi, elchilar va yuqori mansabdor shaxslarni tayinlaydi. Prezident shuningdek parlamentga, mahalliy o‘zini idora etish organlari va Yevropa parlamentiga saylovlarni belgilash huquqiga ega.

Ader Vengriya prezidenti lavozimi 1990 yil tiklangandan keyin mamlakatning 5-prezidenti hisoblanadi.