Argentina terma jamoasi sobiq bosh murabbiyi BAA termasini boshqaradi

Argentina terma jamoasi sobiq bosh murabbiyi Edgardo Bausa BAA terma jamoasi bosh murabbiyi etib tayinlandi. Bu haqda mamlakat futbol federatsiyasi rasmiy saytida ma'lum qilindi. 59 yoshli mutaxassis bilan 2 yilga shartnoma imzolandi. 

Bausa oldiga terma jamoani 2018 yil Rossiyada bo‘lib o‘tadigan jahon chempionatiga olib chiqish qo‘yildi. BAA o‘z guruhida 4-o‘rinda bormoqda. Ular 3-pog‘onani egallab turgan terma jamoadan 3 ochko ortda bormoqda. 

Bausa qo‘l ostida ilk rasmiy uchrashuv 13 iyun kuni Taylandga qarshi o‘tkaziladi.