Putin: «Bir makon, bir yo‘l» sabab jahon iqtisodiyoti barqarorlashadi

Rossiya prezidenti Vladimir Putin Xitoyga tashrifi yakunlari bo‘yicha o‘tkazgan matbuot anjumanida bayonot berishicha, «Bir makon, bir yo‘l» tashabbusi AQShdagi ichki siyosiy kurash va Brexit jarayonini boshidan kechirayotgan jahon iqtisodiyotiga barqarorlik ulashadi. 

«Yirik siyosiy va iqtisodiy markazlarda noaniqlik tobora o‘sib borayotgani, masalan, aytaylik, Qo‘shma Shtatlarda ichki siyosiy kurash davom etayapti, nafaqat siyosat, balki iqtisodiyotda ham ma'lum bir asabiylashishga sabab bo‘lmoqda», — degan Putin. 

Putinning qo‘shimcha qilishicha, Yevropa hamjamiyati Brexit jarayoni «qanday o‘tishi, natijalar qanday bo‘lishi»ni tashvish bilan kuzatib turibdi. Shunga ko‘ra, Putinning fikricha, «qandaydir barqarorlikka umid uyg‘otuvchi ishoralarga talab bor».