Google yangi Android dasturiy ta'minotini taqdim etdi

Android dasturiy tizimining yangi namunasi Google kompaniyasining an'anaviy I/O anjumanida namoyish etildi. Taqdimot marosimi Google’ning YouTube kanalida jonli efirga uzatildi. 

Ishlab chiqaruvchilar yangi Android O dasturiy ta'minotida optimallashtirishga katta e'tibor qaratgan, xususan, ilovalardagi trafik va ma'lumotlarni GPS orqali  yuborish, fon tartibida ishga tushirish qisqarishi mumkin. 

Yangi funksiyalardan yana biri picture-in-picture (surat ichida surat) bo‘lib, u qurilma ekranida bir vaqtning o‘zida ikkita ilova bilan ishlash imkonini beradi. Bundan tashqari, xabarnoma funksiyasi to‘ldirilgan. Ilova yorlig‘i ko‘proq bosib turilsa, yangi xabarni ko‘rish mumkin bo‘ladi. 

Ilovalar do‘koniga, shuningdek, zararli dasturlarga qarshi kurashuvchi ilova kiritilgan. 

Shu bilan birga, yangi dasturiy ta'minotning yakuniy nomi va uning qachon foydalanishga chiqarilishi ma'lum qilinmadi.