Eron prezidentligi uchun saylovlarda hamon Ruhoniy yetakchilik qilmoqda

Eronning amaldagi prezidenti Hasan Ruhoniy mamlakat prezidenti uchun saylovlarda yetakchilik qilishda davom etmoqda. Bu haqda IRNA Eron IIVga asosan xabar berdi.

38,9 mln. ovozni hisob-kitob qilish yakuniga ko‘ra, Ruhoniy 22,7 mln. ovoz olgan. Shu bilan birga, uning eng jiddiy raqibi – Eron sobiq bosh prokurori Ibrohim Raisiy – 15,4 mln. ovoz to‘plagan.

Qolgan nomzodlar bir milliondan kamroq ovoz olishgan: sobiq madaniyat vaziri Mustafo Og‘a Mirsalim - 455,211 ming, sobiq sanoat vaziri Mustafo Hoshimiy Taba esa - 210,597 ming ovoz.

Avvalroq Reuters agentligi ham Ruhoniy saylovlarda yetakchilik qilayotganini xabar bergandi.

2013 yilda Ruhoniy 50,68 foiz ovoz to‘plagan. O‘shanda u saylovlarning birinchi turidayoq kerakli ovozni to‘plab, g‘alaba qozongandi.