APLning eng yaxshi murabbiyi e'lon qilindi

«Chelsi» bosh murabbiyi Antonio Konte Angliya chempionati joriy mavsumining eng yaxshi murabbiyi deb tan olindi, deya xabar bermoqda APL matbuot xizmati.

London jamoasi mavsum yakuniga ko‘ra, APLda o‘z tarixida beshinchi va Angliya chempionatida – oltinchi marta g‘olib bo‘ldi. «Chelsi» ikkinchi o‘rinni egallagan «Tottenhem Hotspur»ni yetti ochkoga ortda qoldirishga muvaffaq bo‘ldi.

Shuningdek, «Chelsi» bir mavsumda qo‘lga kiritilgan g‘alabalar soni bo‘yicha APL rekordini o‘rnatdi – 30 ta g‘alaba. Londonliklar 2004/05 va 2005/06 yilgi mavsumlarda o‘zlari o‘rnatgan natijani yaxshilashdi: o‘shanda «Chelsi» 29 bora zafar quchgandi.