Ukrainaning agrar siyosati vaziri iste'foga ketishga ariza berdi

Ukrainaning agrar va oziq-ovqat siyosati vaziri Taras Kutovoy o‘z lavozimidan ketishi va mamlakat iqtisodiyotiga investitsiyalarni jalb qilish bilan shug‘ullanishini ma'lum qildi.

“Siyosatdagi faoliyatimning beshinchi yili yakunlanmoqda. Barchaga rahmat. Parlamentdan arizani to‘g‘ri qabul qilib, unga ovoz berishini so‘rayman”, deb yozdi vazir o‘zining Facebook’dagi sahifasida.

Shu bilan birga Kutovoyning ta'kidlashicha, u yaqin orada “Ukrainaning iqtisodiyotiga investitsiyalarni jalb qilish bilan shug‘ullanishni” rejalashtirmoqda.