Taekvondo. AQShda o‘tgan musobaqada O‘zbekiston vakili “Eng yaxshi sportchi” bo‘ldi

Joriy yilning 27-28 may kunlari AQShning Florida shtatida Taekvondo bo‘yicha V Florida xalqaro turniri bo‘lib o‘tdi. Unda O‘zbekiston vakillari ham ishtirok etishdi. Bu haqda mamlakat Taekvondo ITF Milliy Assotsiatsiyasi vakili “Kun.uz”ga xabar berdi.

Ushbu turnirda jahonning 15 davlati sportchilari ishtirok etishdi. O‘zbekiston vakillaridan 5-6 yoshli sportchilar o‘rtasida kechgan bahsda Abdug‘ofurov Dovudbek 1-o‘rinni qo‘lga kiritdi. 7-8 yoshli sportchilar orasida esa Nigmanov Ibrohim “til” va “massogi” bahslarida 1-o‘rin sohibiga aylandi.

Shuni alohida ta'kidlash kerakki, Nigmanov Ibrohim mazkur musobaqada o‘z yoshidagi sportchilar orasida tengsiz deb topilib, “Eng yaxshi sportchi” medalini qo‘lga kiritdi.