WP: AQSh Rossiyaga qarshi "raqamli bomba" ishlab chiqarmoqda

AQShning sobiq prezidenti Barak Obama 2016 yilda Rossiya infratuzilmasiga kiberqurol joylashtirishni tasdiqlagan, deya xabar qiladi The Washington Post.

Nashr bu qurolni "bombaning raqamli ekvivalenti" deb atadi. Manbaga ko‘ra, AQSh Rossiya bilan munosabatlari keskin yomonlashganini sezsa, "raqamli bomba" istagan vaqtda ishga tushishi mumkin. 

Obama prezident lavozimini tark etayotganida mazkur loyiha ishlab chiqarish jarayonida bo‘lgan. Uni qo‘llashni amaldagi prezidentgina tasdiqlashi mumkin.

Dastur Rossiyaning muhim infratuzilma tarmoqlariga AQSh Milliy xavfsizlik agentligi tomonidan ishlab chiqilgan qandaydir "implantantlar"ni ko‘zda tutadi, deya ma'lum qilgan sobiq amaldor The Washington Post gazetasiga.