Koalitsiyada IShID yetakchisi yo‘q qilinganiga oid isbotlar yo‘q

IShID terrorchilik guruhi bilan kurash bo‘yicha xalqaro koalitsiya qo‘mondonligi terrorchilar yetakchisi Abu Bakr al-Bag‘dodiy yo‘q qilinganini hozircha tasdiqlay olmaydi. Bu haqda koalitsiya qo‘mondoni o‘rinbosari britaniyalik general-mayor Rupert Jons ma'lum qildi.

"So‘nggi bir necha oy ichida al-Bag‘dodiy yo‘q qilingani haqida ko‘plab bayonotlar berildi. Biroq bizda bunga dalillar hozircha yo‘q. Ayni damda uning o‘limini tasdiqlay olmaymiz... Hattoki u tirik bo‘lsa ham, faol harakat qila olmaydigan holatga tushib qolgan, u katta ehtimol bilan Raqqa yoki Mo‘sulda bo‘lishi mumkin", - degan Jons Bag‘doddagi telefon orqali anjumanda.

Generalning tasdiqlashicha, al-Bag‘dodiy Rossiya zarbasi paytida Raqqada bo‘lgan bo‘lishi mumkin.