Shavkat Mirziyoyev eksport sohasidagi kamchiliklar uchun qator rahbarlarni ogohlantirdi
Bugun, 27 iyun kuni O‘zbekiston Respublikasi Prezidenti Shavkat Mirziyoyev navbatdagi videoselektor yig‘ilishini o‘tkazdi. U mahalliy mahsulotlarni xorijga eksport qilish mavzusiga bag‘ishlandi. "Axborot" dasturida shu haqida xabar berildi.
O‘zbekiston Prezidenti eksport tizimida olib borilayotgan ishlarni tahlil qilib, sohadagi kamchiliklar va mutaxassislarning mas'uliyatsizligiga alohida to‘xtalib o‘tdi. Davlat rahbari mahalliy mahsulotlarning raqobatbardoshligini oshirish zaruratiga diqqatni qaratdi.
Shuningdek, videoselektor yig‘ilishida mamlakatning har bir mintaqasi va sohasi bo‘yicha Eksport strategiyasini ishlab chiqish vazifasi qo‘yildi va bu borada amalga oshiriladigan ishlar bo‘yicha tegishli ko‘rsatmalar berildi.
Videoselektor yig‘ilishida ba'zi rahbarlar ishdan olinib, ba'zilariga xayfsan e'lon qilindi. Jumladan, "O‘zbekoziqovqatxolding" va "O‘zagroeksport" kompaniyalari rahbarlari Odilxon Rustamov hamda Jamshid Holmuhammedovlar egallab turgan lavozimlariga noloyiq deb topildi.
Shu bilan birga, "O‘zbekcharmpoyabzali", "O‘zqurilishmateriallari", "O‘zbekengilsanoat" rahbarlariga xayfsan e'lon qilindi. Bundan tashqari, qator hokimliklar hamda tuman rahbarlari mavjud kamchiliklar uchun ogohlantirildi.
Bosh vazir o‘rinbosari Ulug‘bek Ro‘ziqulov va tashqi savdo vaziri Elyor G‘aniyevga sohadagi muammolarni bartaraf etish bo‘yicha shoshilinch choralar ko‘rish vazifasi yuklandi.
Mavzuga oid
21:40 / 02.10.2024
Qirg‘iziston O‘zbekiston tufayli go‘sht eksportiga vaqtinchalik taqiq joriy qilgani ma’lum bo‘ldi
09:40 / 09.09.2024
O‘zbekiston radioaktiv izotopli mahsulotlar eksportini yo‘lga qo‘yishi mumkin
08:40 / 09.09.2024
Eksport qiluvchilar uchun QQS qoplash tartibi soddalashtirildi
13:00 / 07.09.2024