Times: Britaniya avtomobil teraktlari bilan yangicha usul orqali kurashmoqchi
Buyuk Britaniya hukumati avtomobillar ishtirokidagi qator teraktlardan so‘ng strategik muhim obektlar va ko‘priklar atrofida raqamli himoya maydonlarini o‘rnatish imkoniyatini o‘rganib chiqmoqda, deb yozadi The Times gazetasi.
Nashr ma'lumotiga ko‘ra, Britaniya transport vazirligi muhim obektlar atrofida elektron to‘siqlar yaratishga imkon beruvchi geohududlardan foydalanilgan sun'iy yo‘ldoshlar tizimini ishlab chiqishdan manfaatdor.
Tashkilot rejalariga muvofiq, teraktlar nishoniga aylanishi mumkin bo‘lgan binolar va ko‘priklarga ruxsatsiz yaqinlashganda, avtomobillarda o‘rnatilgan kompyuterlar ularni to‘xtatadi yoki sekinlashtiradi.
Britaniya hukumatining bunday qarori Vestminster ko‘prigi, London ko‘prigi va Finsberi-parkda ro‘y bergan teraktlar takrorlanishining oldini olishda yordam berishi kerak.
Times’ning ta'kidlashicha, Shvetsiyada shunday texnologiya aprel oyidagi teraktdan so‘ng ishlab chiqila boshlandi – o‘shanda yuk mashinasi Stokholmdagi eng yirik ko‘chalardan birida odamlar ustiga bostirib borildi.
Mavzuga oid
09:50 / 23.09.2024
Britaniya kompaniyasi O‘zbekiston bo‘ylab hashamatli sayyohlik poyezdini yo‘lga qo‘ydi
08:50 / 23.09.2024
Britaniya Moda kengashi o‘zbek milliy brendlarini targ‘ib qilishda yordam beradi
10:30 / 20.09.2024
O‘zbekiston va Britaniya bo‘lajak diplomatlarni tayyorlash sohasida hamkorlik qilishi mumkin
22:48 / 18.09.2024