Qoʻshimcha funksionallar
-
Tungi ko‘rinish
Yakunlandi. Uchrashuv rejadagidan ancha ko‘p vaqtga cho‘zildi
Rossiya va AQSh prezidentlari Vladimir Putin hamda Donald Trampning Hamburgdagi G20 sammiti doirasidagi ilk muzokaralari yakunlandi.
RIA Novosti xabariga ko‘ra, avvaliga 30 daqiqa davom etishi kutilgan uchrashuv 2 soatu 20 daqiqaga cho‘zilgan.
Qayd etilishicha, uchrashuv davomida grafikdan chiqib ketilgan: Vladimir Putin amerikalik hamkasbi bilan uchrashuvga bir soatga yaqin vaqt ajratgandi, Oq uy esa yarim soat.
Muzokaralr Toshkent vaqti bilan soat 19:10da boshlandi va rejadagidan bir yarim soat keyin tugadi.
Jurnalistlar ikki siyosatchi uchrashuvidagi dastlabki ikki daqiqanigina kuzata olishdi. Ikki tomonlama uchrashuvda davlat rahbarlaridan tashqari, AQSh Davlat departamenti boshlig‘i Reks Tillerson hamda Rossiya TIV rahbari Sergey Lavrov ishtirok etdi.
Moskva tomoni Putin va Tramp G20 sammiti doirasida uchrashishi rejasi haqida bir necha oylardan buyon bildirib kelayotgandi. Tomonlar iyun oyi oxiridagina kelishuvga erishishdi. Rossiya va Amerika davlatlari prezidentlariga uchrashuv uchun maydonni bungacha bir necha davlatlar, jumladan Finlyandiya va Sloveniya taklif qilgandi.
Hamburgda G20 sammiti
7-8 iyul kunlari Germaniyaning Hamburg shahrida G20 sammiti bo‘lib o‘tadi. Har yili o‘tkaziladigan sammitda «Katta yigirmatalik» davlatlari rahbarlari xalqaro kun tartibidagi masalalarni muhokama qilishadi
