Putin Hamburgda

Foto: © RIA Novosti

Rossiya prezidenti Vladimir Putin G20 sammitida ishtirok etish uchun Germaniyaning Hamburg shahriga keldi. Rossiya rahbari sammit doirasida o‘ndan ortiq davlat rahbarlari bilan uchrashuvlar o‘tkazadi.

Sammit 7-8 iyul kunlari mobaynida bo‘lib o‘tadi. Rossiya prezidenti turli mavzularga bag‘ishlangan ishchi yig‘ilishlarda va terrorizmga qarshi kurash masalasidagi uchrashuvlarda qatnashadi.

Bu sammitdagi asosiy voqea Putinning AQSh prezidenti Donald Tramp bilan uchrashuvi bo‘lishi kutilmoqda. U Fransiya, Germaniya, Turkiya, Yaponiya va Avstraliya rahbarlari bilan ham uchrashuvlar o‘tkazadi.

Sammit arafasida Germaniyadagi Handelsblatt gazetasi Putinning xalqaro maydondagi hamkorlik haqidagi fikrlari keltirilgan maqolani chop etdi. Putinning fikricha, G20 o‘tgan yillar mobaynida ko‘plab masalalarni hal qildi va moliyaviy-iqtisodiy inqirozlar oqibatlariga qarshi kurashishda muhim ahamiyat kasb etdi.

Tayyorlagan Азиз Қаршиев

#Vladimir Putin #G20 sammiti #Hamburg

7-8 iyul kunlari Germaniyaning Hamburg shahrida G20 sammiti bo‘lib o‘tadi. Har yili o‘tkaziladigan sammitda «Katta yigirmatalik» davlatlari rahbarlari xalqaro kun tartibidagi masalalarni muhokama qilishadi