Isroilda 9 may G‘alaba kuni sifatida nishonlanadigan bo‘ldi

Isroilda endilikda 9 may natsist Germaniya ustidan G‘alaba kuni sifatida nishonlanadigan bo‘ldi. Bu haqdagi qonun loyihasi mamlakat parlamenti deputatlari tomondan bir ovozdan ma'qullandi.

Ushbu tashabbus mualliflaridan biri, "Isroil bizning uy" partiyasi deputati Oded Forer qonunni "Isroilning kelajak avlod uchun G‘alaba kuni haqidagi xotirani saqlab qolish burchi" deb atadi. Uning aytishicha, Ikkinchi jahon urushida 1,5 mln dan ko‘proq yahudiy qatnashgan.

G‘arb davlatlarida natsist Germaniyasining yakson qilingani 8 may kuni nishonlanadi.