Yaponiya mudofaa vaziri mojaro tufayli iste'foga chiqdi

Yaponiya mudofaa vaziri Tomomi Inada iste'foga chiqishi haqida ma'lum qildi. Bu haqda Reuters xabar bermoqda.

Inadaning iste'fosi yaponiyalik tinchlikparvarlarning Janubiy Sudandagi amaliyotlari bo‘yicha hujjatlarni yashirish bilan bog‘liq mojaroga aloqador.

Ta'kidlanishicha, mudofaa vaziri bilan bog‘liq vaziyat mamlakat bosh vaziri Sindzo Abening reytingiga salbiy ta'sir ko‘rsatgan. U Inadani faol tarzda qo‘llab-quvvatlab kelgandi.

Abe Inadani vazir sifatida tayinlagani uchun ham uzr so‘radi. Uning qo‘shimcha qilishicha, mojaro uchun mas'uliyat to‘liq uning zimmasida.