Япония мудофаа вазири Томоми Инада истеъфога чиқиши ҳақида маълум қилди. Бу ҳақда Reuters хабар бермоқда.
Инаданинг истеъфоси япониялик тинчликпарварларнинг Жанубий Судандаги амалиётлари бўйича ҳужжатларни яшириш билан боғлиқ можарога алоқадор.
Таъкидланишича, мудофаа вазири билан боғлиқ вазият мамлакат бош вазири Синдзо Абэнинг рейтингига салбий таъсир кўрсатган. У Инадани фаол тарзда қўллаб-қувватлаб келганди.
Абэ Инадани вазир сифатида тайинлагани учун ҳам узр сўради. Унинг қўшимча қилишича, можаро учун масъулият тўлиқ унинг зиммасида.
