Xitoyda suv toshqini natijasida 188 ming kishi evakuatsiya qilindi
Xitoyning shimoli-sharqidagi Lyaonin provinsiyasida sel yomg‘irlari natijasida yuzaga kelgan suv toshqinlari tufayli 188 mingga yaqin kishi evakuatsiya qilindi. "Sinxua" agentligining xabar berishicha, yana 3 kishi halok bo‘lgan.
Tabiiy ofat natijasida umumiy hisobda provinsiyaning 570 ming aholisi zarar ko‘rgan - 1000 uy va 66,4 ming gektar ekin maydoniga ziyon yetgan. Qator aholi punktlarida avtoyo‘llar va aloqa liniyalari zarar ko‘rgan, elektr energiya uzatish tizimi ishdan chiqqan.
Tabiiy ofat asoratlarini bartaraf qilish bo‘yicha operatsiyalarda qutqaruvchi va harbiylar ishtirok etishgan, daryo bo‘yidagi muhandislik kommunikatsiyalari monitoringi kuchaytirilgan.
Sel kelishi va yer ko‘chishi ehtimoli oshishi tufayli hududdagi favqulodda xizmatlar yuqori darajali tayyorgarlik rejimiga o‘tkazilgan.
Mavzuga oid
19:45 / 29.09.2024
Nepalda so‘nggi 50 yillikdagi eng kuchli yomg‘irlar kuzatilmoqda - fotosuratlar
21:11 / 17.09.2024
“Ko‘p narsa moliyalashtirishga bog‘liq” - Toshkentni toshqinlardan qutqarish rejasi tayyorlanmoqda
12:10 / 17.09.2024
Kursk yaqinida chegaraga yaqin ikki rayon aholisi evakuatsiya qilinmoqda
15:07 / 04.09.2024